لوگ کہتے ہیں کہ اگر عورت میں دلداری ہو تو مرد اپنی پختہ بری عادتیں چھوڑ دیتا ہے _____
یہ دلداری کیا ہوتی ہے ؟ کہاں سے سیکھی سکھائ جاتی ہے ؟
بچپن سے یہی سنا ہے کہ مرد کے دل کا راستہ اس کے پیٹ سے ہو کے گزرتا ہے سو عورت کو اچھا کھانا پکانا سکھایا جاتا یے -دلداری نہیں -
میں نے اپنی آنکھوں سے دیکھا ایسے لوگوں کو جن کی پختہ عادتیں کسی طرح بھی نہیں چھوٹتیں ___
شوہر کو خوش رکھنے کے لئے ایک عورت کس حد تک جاتی ہے لیکن بعض اوقات ساری مشقت کا حاصل ایک جملہ "میں زندگی میں کبھی تم سے خوش نہیں ہوا "
اگر ایک عورت کے ناشکرے پن کا ذکر کیا جاتا ہے کہ گھر ہے کھانا پینا کپڑا لتا سب ہے اولاد یے اور عورت کو کیا چاہیئے تو کیا عورت یہ سب نہیں دیتی ؟ پھر مرد کو کیا چاہیئے ؟
ہماری عورتوں کی تربیت ان کو ذہنی غلام بننا سکھاتی ہے ساتھی نہیں، کیونکہ وہ غلاموں کی گود میں پرورش پاتی ہیں ، انہیں غلام کس نے بنایا ؟ ___
پھر غلاموں سے گلہ کیوں ؟
ایک لڑکی کے پیدا ہوتے ہی اس کی تربیت شادی کے لئے شروع کر دی جاتی ہے -شوہر کی خدمت کے گر سکھائے جاتے ہیں ،سسرال والوں کو خوش رکھنا ہی عورت کا فرض ہے اور یہ فرض پورا کر کے ہی اسے اچھی عورت کا سرٹیفیکیٹ ملتا ہے ____
فلک نامے سے انتخاب ۔۔
کیا آپ اس بات سے متفق ہیں؟؟
تبصرے
ایک تبصرہ شائع کریں